Viquipèdia:Comunicat 4 de juliol/lmo
Car amis lettor,
el 5 de luj el Parlament europee el se trovarà insema a scernì l'aprovazzion de la direttiva del copyright. Quell lavor chì, se 'l passarà, el scurtarà de bon la libertaa de Internet.
Inscambi de agiornà i legg in sul diritt d'autor in Europa per promoeuv la partecipazzion de tucc a la societaa de l'informazzion, quella legg chì la mettarà in pericol la libertaa online e l'acess a la Red: la mettarà di noeuv barier, filter e restrizzion. Se la proposta la passarà, el podaria vess impossibel condivid on articol de giornal in sui social network, ma anca trovall in su 'n motor de ricerca. Anca la Wikipedia la ris'cia de sarrà su.
La proposta l'ha giamò trovaa l'oposizzion de pussee de 70 studios informategh: in tra de lor, el creador del Web, Tim Berners-Lee ([1]) e olter 169 academegh ([2]); inoltra, 145 organizazzion che lavoren in del camp di diritt uman, de la libertaa de stampa, de la ricerca scientifega e de l'industria informatega ([3]), insema a la Wikimedia Foundation ([4]).
Per 'sti reson, la comunitaa de Wikipedia in lengua catalana l'ha scernii de mett on banner tutt i pagin de l'enciclopedia. A voeurom andà inanz a inzubì on'enciclopedia libera, averta, colaborativa e con di contegnuu che se poeuden verificà. Donca a ghe ciamom a tucc i deputaa del Parlament europee de ruzà via el test atoal de la direttiva, e dervì torna la discussion, per esempi cont el ciapà in considerazzion i propost di associazzion Wikimedia: l'abolizzion di articoi 11 e 13, el slargament de la libertaa de panorama in tutt l'Union, e la protezzion del domini publegh.
https://meta.wikimedia.org/wiki/SaveYourInternet
- La comunitaa de la Wikipedia in lengua catalana